Steikt lambalæri

Lambasteik sem ekki er hægt að fá nóg af. Uppskrift fyrir 4-6 manns.

Lambalæri:

• 1 meðal læri

• 4 hvítlauksrif

• 1 tsk rósmarín þurrkað

• 1 tsk timian

• 1 tsk salt

• 1 tsk pipar

• 2 msk smjör

Sneiðið hvítlaukinn í báta.

Skerið litlar raufar í kjötið beggja megin og stingið hvítlauknum í raufarnar.

Smyrjið smjörinu á lærið og kryddið síðan með salt, pipar, rósmarín og timian.

Setjið í ofn við 180°C í eina til eina og hálfa klukkustund.

Brúnaðar kartöflur:

• 1 kg kartöflur

• 3-4 dl sykur

• 2 msk smjörliki

• 1 dl rjómi

Sjóðið og skrælið kartöflur í salt vatni.

Setjið sykur og smjörliki á vel heita pönnuna.

Brúnið sykurinn hrærið í öðru hvoru, þegar sykurinn er orðinn fallega brúnn og uppleistur, lækkið þá hitan og bætið rjómanum í og látið samlagast.

Setjið svo kartöflur út í sykurblönduna og veltið þeim í nokkrar mínutur svo þær fái fallegan gljáa.

Sósa:

• 1 stk piparostur

• 1 peli rjómi

Setjið rjóman í pott við meðal hita.

Myljið ostinn út í og látið hann leisast upp og hrærið í á meðan.

Þegar osturinn er bráðnaður er sósan tilbúin.

Djúpsteikt ýsa

Frábær tilbreyting fyrir fjölskylduna. Uppskrift fyrir fjóra.

Hráefni:

• 600 gr ýsa

• 10-12 kartöflur

Orlideig:

• 250 gr hveiti

• 1 egg

• 2 dl pilsner

• 1 msk tómatpurre

• 1 msk sinnep

• 1/2 dl matarolía

• 2 tsk salt

• 1/2 tsk sykur

Þessu er öllu blandað vel saman og geymt í kæli í 20 mínutur

Aðferð:

Hitið djúpsteikingarpottinn.

Sjóðið kartöflur í pott í 15-20 mínutur og skerið í hæfilega báta.

Skerið ýsuflök í hæfilega bita.

Fiskinum er velt upp úr hveiti áður en hann er settur í orlideigið.

Setjið fiskinn í pottinn og látið steikjast í 3-5 mínutur, þar til fallega brúnt, setjið á disk.

Kartöflur teknar og settar í pottinn og látnar gyllast í 2-3 mínutur.

Meðlæti:

• Gott salat

• Sítróna

• Hvítlaukssósa/kokteilsósa

Mexíkósk kjúklingasúpa

Þessi þykir einfaldlega best. Uppskrift fyrir fjóra til sex.

Hráefni:

• 500 gr kjúklingabringur

• 3-4 msk olía

• 1 laukur

• 5 litlir tómatar

• 100 gr blaðlaukur

• 1-2 chili

• 1 paprika

• 2 tsk paprikuduft

• 1 tsk túrmerik

• 3 tsk púrre

• Einn og hálfur líter kjúklingasoð

• 1 krukka salsasósa

• 100 gr rjómaostur

• Kjúklingakrydd

• 2 dl matreiðslurjómi

Aðferð:

Hitið einn og hálfan líter af vatni ásamt 1-2 kjúklingateningum í potti.

Skerið bringur í bita og kryddið með kjúklingakryddi.

Setjið á pönnu og steikið í 5-10 mínutur, setjið í skál til hliðar.

Laukur, paprika, blaðlaukur, chili og tómatar skorið hæfilega smátt og steikt á pönnu í olíu í 3-5 mínutur.

Setjið grænmetið í pottinn og sjóðið við vægan hita í 15 mínutur.

Bætið svo purre, salsa, rjómaost, kjúkling og rjóma við og sjóðið 5-10 mínutur í viðbót.

Meðlæti:

• Sýrður rjómi

• Nachoc flögur

• Rifinn ostur