Updated: May 2, 2020
Vinsæll og góður ís við öll tilefni.
Hráefni:
1/2 rjómi
5 eggjarauður
1 dl púðursykur
100 gr toblerone + 50 gr brytjað
Aðferð:
Byrjið á því að þeyta rjóman sér.
Þeytið eggjarauður og púðursykur vel saman.
Bræðið 100 gr toblerone í vatnbaði á hellu, takið síðan og bætið við eggjablönduna.
Takið blönduna og blandið við rjómann ásamt brytjuðu toblerone með sleif.
Setjið í form og álpappír yfir og frystið.
Updated: May 2, 2020
Hvað er ekki betra á köldum degi en heimalöguð kjötsúpa. Uppskrift fyrir 6 manns.
Hráefni:
800 gr lambagúllas
2 L vatn
Hálfur bolli hrísgrjón
3 lamba súputeningar
Einn og hálfur dl súpujurtir
2-3 tsk salt
1 meðalstór rófa
3 meðalstórar gulrætur
1 lítill haus blómkál
1 laukur
Einn fjórði hvítkálshaus
6 kartöflur
Aðferð:
Setjið lambagúllas, salt, súputeninga og vatn í pott og sjóðið í 35 mínutur.
Flysjið kartöflur og rófur og skerið í bita.
Takið laukinn og saxið.
Takið gulrætur, blómkál og hvítkál og skerið í bita.
Bætið öllu í pottinn ásamt súpujurtum og hrísgrjónum og látið sjóða í 30 mínutur.
Smakkið til og athugið hvort salt eða lambakraft vantar.
Berið fram með brauði ef vill.
Updated: May 2, 2020
Uppáhald ömmu minnar. Uppskrift fyrir fjóra.
Hráefni:
250 gr þurrkaðir blandaðir ávextir
100 gr sykur
50 gr kartöflumjöl
10 dl vatn
Aðferð:
Setjið 9 dl af vatni í pott ásamt sykri og ávöxtum og sjóðið í 40-50 mínutur þar til ávextirnir verða meirir, gott er að ýta á þá með kartöflustöpu.
Blandið 1 dl af vatni við kartöflumjöl og hrærið saman.
Blöndunni er bætt í pottinn og hrært við, lækikð hitann og látið ekki grautinn sjóða á meðan, Hafið á hitanum í 2-3 mínutur í viðbót.
Berist fram heitur eða kaldur.
Meðlæti:
Óþeyttur rjómi